Italıandyq fýtbolshy Fabıo Kannavaro qyrkúıekte Qazaqstanǵa keledi
ASTANA. 4 qyrkúıek. QazAqparat - Italııa quramasy sapynda fýtboldan álem chempıony Fabıo Kannavaro otandyq fýtboldyń 100 jyldyǵyn toılaýǵa Qazaqstanǵa keledi, dep habarlaıdy Vesti.kz.
Іs-shara Semeıde 21 qyrkúıek kúni ótedi. Bul kúni qazaqstandyq jáne keńestik fýtbol ardagerleriniń joldastyq kezdesýi bolady.
Esterińizge sala keteıik, F.Kannavaro 2006 jylǵy álem chempıonatyndaǵy jeńisten basqa, 2000 jyly Italııa quramasymen Eýropa birinshiliginiń «kúmis» júldesin ıelendi. Ol ıtalıandyq «Napolı», «Parma», «Inter» jáne «ıÝventýs», sondaı-aq ıspanııalyq «Real» komandalarynyń sapynda óner kórsetken. 2006 jyly Kannavaro Álemniń úzdik oıynshysy ataǵymen qosa «Altyn dop» ıegeri atandy. 2011 jyly tizesinen jaraqat alyp, fýtbolshy mansabyn aıaqtaýǵa májbúr boldy. Aıta keterligi, Qazaqstan fýtbolynyń 100 jyldyq mereıtoıy qarsańynda, aıtýly datadan bir apta buryn Kannavaro qyryqqa tolady.
