Italıandyq dızaınerler Dolche men Gabbana bostandyqqa shyǵýy múmkin
ASTANA. QazAqparat - Domenıko Dolche men Stefano Gabbanaǵa qatysty qylmystyq is negizsiz dep tabyldy. Bul týraly ntv.ru habarlady.
Italıandyq dızaınerler Domenıko Dolche men Stefano Gabbanaǵa qatysty qylmystyq is oılamaǵan jerden basqa arnaǵa buryldy.
Ótken jyly salyq tóleýden jaltarǵany úshin álemniń eń iri dızaınerlik kompanııanyń basshylaryna qatysty 1 jylǵa jáne segiz aı bas bostandyǵynan aıyrý jáne 340 mıllıon eýro kóleminde aıyppul salý sheshimi shyǵarylǵan bolatyn. 2004 jyly Dolche men Gabbana ózderiniń Dolce & Gabbana brendin lıýksembýrlik Gado kompanııasyna satyp jibergen bolatyn. Tergeýshiler Dolche men Gabbana bul kompanııany salyqtan jaltarý úshin ádeıi qurǵan jáne 1 mlrd. eýro shamasynda salyqtan qutylyp ketken dep esepteıdi.
Dızaınerlerdiń ózderi bul aıypty moıyndaǵan joq jáne eger tergeý toqtatylmasa, bul bıznesti múldem jaýyp tastaıtyndyqtaryn málim etken. Sottyń jańa otyrysynda prokýror oıda joqta olarǵa taǵylǵan aıypty negizsiz dep atap, lıýksembýrgtik kompanııamen bolǵan kelisim zań aıasynda boldy dep málimdeme jasady. Sonymen qatar appelıatsııalyq sotqa Dolche men Gabbanany aqtaý jóninde usynys tastaǵan.
