Italıandyq azamat RF-dan asyrap alǵan 5 jasar ulyn tunshyqtyryp óltirdi
ASTANA. QazAqparat - Italııanyń Peskara qalasynyń polıtsııasy aldyn ala málimetter boıynsha ótken túnde óziniń 5 jasar ulyn jastyqpen tunshyqtyryp óltirdi degen kúdikpen 47 jastaǵy Massımo Maravalleni tutqynǵa aldy, dep jazady RIA «Novostı».
Balanyń tunshyqqandyqtan ólgendigi zertteý-saraptaý barysynda belgili boldy.
Qazirgi ýaqytta balanyń ólimine baılanysty tekserý jumystary jalǵasýda. Er adam bundaı qadamǵa júıke aýrýlary saldarynan barýy múmkin delinýde. Ol balany asyrap alý kezinde mundaı derekti jasyryp qalǵan kórinedi. Dúısenbi kúni saǵat 11:30-da (13:30 Msk) tergeý bastalady.
Blagoveşenskte týǵan balany asyraýǵa berý týraly sheshimdi Amýr oblystyq soty shyǵarǵan. Ony ıtalııalyq Massımo Maravalle men Patrıtsıeı Sılvestrı asyrap alǵan. Qujattary 2012 jyly rásimdelgen. Bala elshiliktiń esebine RF azamaty retinde tirkelgen.
