It tirideı jerlengen sábıdi qutqardy
ASTANA. QazAqparat - Qytaıdaǵy Tszıantszın qalasynda ıt tirideı jerlengen náresteni qutqardy.
Iesiniń aıtýynsha, ıti tabandarymen bar kúshin sala jerdi qazyp jatqanyn baıqaıdy. Qazylǵan shuńqyrǵa jaqyndap kelgen ol jerde aq mataǵa orap tastaǵan, shyryldap jylap jatqan sábıdi kórgen, dep habarlaıdy Sun.
Qutqarylǵan shaqalaqtyń dúnıege kelgenine bir ǵana aı bolǵan kórinedi. Júrek soǵysy álsiregen, dene qyzýy tómendegen náresteni shuǵyl aýrýhanaǵa jetkizildi. Qazir ol dárigerlerdiń qaraýynda, birtindep jazylyp keledi. Polıtsııa onyń týǵan-týystaryn izdestirip jatyr. Aldyn ala boljam boıynsha, sábıdiń ata-anasy ony qaıtys boldy dep eseptep jerlegen bolýy yqtımal.
