It talaǵan balanyń ómirine qaýip tónip turǵan joq – dáriger
Almaty qalalyq balalar shuǵyl medıtsınalyq járdem ortalyǵy bas dárigeriniń orynbasary Alýa Jeksenovanyń aıtýynsha, oqýshy aman, qazir aýrýhanada jatyr.
«Ata-anasynyń qalaýymen bala bizdiń ortalyqqa jetkizildi. Oqýshyǵa qabyldaý bóliminde qutyrýǵa qarsy ımmýnoglobýlın salyp, bólimshege jatqyzdyq. Kelgendegi jaǵdaıy ortasha aýyr boldy. Qazir bala ortasha aýyrlyqta. Biraq, dınamıkada jaǵdaıy turaqtalǵan jáne qutyrýǵa qarsy vaktsınasy shema boıynsha salynyp jatyr. Dárigerlerdiń baqylaýynda. Hattama boıynsha em jasalady. Qazirgi ýaqytta balanyń ómirine qaýip joq», - dedi dáriger.
Aıta keteıik, ıt talaǵan balanyń fotosy áleýmettik jelide tarady.
Buǵan deıin Almaty oblysynda 9 jastaǵy balany ıt qaýyp alǵany týraly jazǵan bolatynbyz.
Balany qapqan ıt Uzynaǵash aýylynyń veterınarlyq stantsııasyna qamaldy.