ІT salasyn damytý úshin mektep qabyrǵasyndaǵy bilim sapasyn jetildirý qajet-D.Shynybekov
ALMATY. 11 qarasha. QazAqparat /Erbol Azanbek/ - Sapaly ІT mamandaryn daıyndaý orta mektepte jaqsy bilim berýden bastalýy tıis. Sondyqtan ınformatıka páni men aǵylshyn tilin orta mektepterde tereńdete oqytý qajet. Bul týraly búgin «Alatay IT City» aqparattyq tehnologııalar parkinde Almatynyń úzdik mektep dırektorlarymen kezdesýi barysynda Halyqaralyq ІT ýnıversıtetiniń rektory Dámir Shynybekov aıtty.
Onyń aıtýynsha qazirgi kezde orta mektepterde pánderdiń negizi jaqsy qalanady, alaıda bul jetkiliksiz. Sondyqtan bul kemshilikti túzetýdi jedeldetý kerek. Onyń pikirinshe ınformatıka men aǵylshyn tili pánderiniń muǵalimderine bazalyq kásibı bilim jetispeıdi. «Óıtkeni bizde biliktilikti arttyratyn myqty ortalyqtar joq. Bul ispen joǵary oqý oryndary aınalysýda. Sondyqtan bul másele de qolǵa alynýy tıis», -dedi ol.
