IT salasyndaǵy talantty jastardy arnaýly organdarǵa qyzmetke tartýǵa den qoıylady
ASTANA. KAZINFORM — Elde tsıfrlyq qaýipsizdik salasyndaǵy mamandardy qoldaýǵa erekshe nazar aýdarylady. Bul týraly Májilistiń jalpy otyrysynda arnaýly memlekettik organdarynyń qyzmeti máseleleri boıynsha zań jobasyn talqylaý kezinde depýtat Bolat Kerimbek málim etti.
- Búginde qarapaıym azamattardyń quqyqtary men múddelerin qorǵaýda ınternet-qylmysqa qarsy tıimdi kúres júrgizý jumysy óte mańyzdy. Ár adamnyń jeke dereginiń, qarjysy men kúndelikti tsıfrlyq ómiriniń qaýipsizdigin qamtamasyz etý ózekti. Al bul qyzmetti tıimdi atqarý zamanaýı tsıfrlyq quzyret pen analıtıkalyq daǵdylary bar joǵary bilikti kadrlarsyz múmkin emes. Sondyqtan zań jobasynda IT salasyndaǵy talantty jastardy, qabiletti mamandardy arnaýly memlekettik organdarǵa qyzmetke tartý tetigi usynylady, - dedi B. Kerimbek.
Onyń aıtýynsha, halyqaralyq tájirıbe kórsetkendeı, IT-mamandardy tartýda ıkemdi tásilderdi qoldaný memlekettik ınstıtýttardyń ınnovatsııalardy tezirek engizýine, tsıfrlyq damýdyń tıimdiligin arttyrýyna múmkindik beredi.
Budan buryn habarlanǵandaı, otandyq IT-kompanııalar memleketke kásiporyndarda tsıfrlyq jobalardy júzege asyrýǵa qoldaý kórsetedi.
