It-mysyǵyn serýendetýde ereje buzǵan astanalyqtar jaýapqa tartylýda
NUR-SULTAN. QazAqparat - Osy jyldyń 14-20 sáýir aralyǵynda elordada ıt pen mysyq asyraý erejelerin buzǵany úshin 17 azamat ákimshilik jaýapkershilikke tartyldy, dep habarlaıdy QazAqparat.
Búgingi tańda Nur-Sultan qalalyq Polıtsııa departamenti jergilikti polıtsııa qyzmetiniń tabıǵatty qorǵaý polıtsııasy 4 aýdanda ıtter men mysyqtardy serýendetý jáne ustaý boıynsha erejelerdi túsindirýde. Olarǵa túrli jadynamalar men býkletter berilýde. Al tıisti erejeler buzylǵan jaǵdaıda QR ÁQBtK-niń 408-baby boıynsha ákimshilik jaýapkershilikke tartylatyny eskertilip jatyr.
Málim etilgendeı, osy jyldyń 14-20 sáýiri aralyǵynda ıtterdi baılaýsyz ustaǵany úshin – 17 turǵyn, 2021 jyldyń basynan beri barlyǵy 296 turǵyn jaýapkershilikke tartyldy.
Erejege sáıkes:
- ıesiniń erekshe jaýapkershiligin talap etetin ıtterdi qala aýmaǵynda erkin serýendetýge tyıym salynady;
- ıesiniń erekshe jaýapkershiligin talap etetin ıtterdi tumyldyryqta tek qana alańdarda nemese ıtterge arnalǵan úıretý oryndarynda erkin serýendetýge ruqsat.
- kez kelgen tuqymdy ıtterdi (ıesiniń erekshe jaýapkershiligin talap etetin ıt tuqymdaryn qospaǵanda) tyıym salý belgisi ornatylmaǵan oryndarda tumyldyryqsyz, alaıda tizginde serýendetýge bolady. Bul rette, janýardyń ıesi ózimen birge tumyldyryqty alyp júrýi mindetti, ol qajet bolǵan kezde dereý ıtke taǵylýy tıis. Sondaı-aq aınalasyndaǵylarǵa kedergi keltirmeı, ózimen birge ekskrementter jıyntyǵyn alyp júrýi qajet.
- ıttiń tumyldyryǵynyń ýaqtyly taǵylýyna jáne tizgininiń uzyndyǵyna onyń ıesi jaýap beredi.
