IT maman kompanııanyń tehnıkasyn satyp, 57 mln teńgeni býkmekerge salyp jibergen
Astana turǵyny qylmystyq ister jónindegi aýdanaralyq sotynyń úkimimen 7 jylǵa sottaldy. Ol sondaı-aq 5 jyl kommertsııalyq uıymdarda materıaldy-jaýapty laýazym atqara almaıdy. Oǵan QK 189-baby 4-bóliginiń 2-tarmaǵymen aıyp taǵylǵan edi, dep habarlaıdy Kazinform.
K. seriktestikte IT maman retinde jumys istegen jáne materıaldarǵa jaýapty adam bolǵan.
Sóıtip ózine senip tapsyrylǵan quny 57 mln teńgeden asatyn uıymdastyrý tehnıkasyn talan-tarajǵa salyp, odan túsken aqshany býkmekerlik keńselerge jumsap jibergen.
Sottalýshy apellıatsııalyq shaǵym berip, taǵaıyndalǵan jazany jeńildetýdi surady.
Astana qalalyq sotynyń qylmystyq ister jónindegi sot alqasy K-niń ózine senip tapsyrylǵan múlikti talan-tarajǵa salǵany dáleldengenin jáne jazanyń kináli adamnyń jeke basyna jáne týyndaǵan zardaptarǵa sáıkestigin eskere kele úkimdi ózgerissiz qaldyrdy.
Sottalýshy kompanııaǵa kelgen zalaldy ótegen joq.
Úkim zańdy kúshine endi.
