It kýáger retinde sot zalyna shaqyryldy
ASTANA. QazAqparat - Frantsııanyń Týr qalasynda erekshe sot otyrysy ótti. Olaı deıtinimiz, sotqa kýáger retinde jaýap berýi úshin adam emes, ıt shaqyrylǵan. Tango esimdi ıtti quqyq qorǵaýshylar óziniń ıesin beısbol taıaqshasymen kim ólimshi etip sabaǵanyn aıtyp berýi úshin arnaıy aldyrǵan, dep jazady, Dnı rý.
Labrador tuqymdy Tango esimdi ıt óziniń qojaıynyń urǵan adamdy kórgen. Іsti qarap jatqan sýdıa sony alǵa tartyp, ıtten kýáger retinde jaýap almaq bolypty. Sýdıaǵa bul oıdy 27 jastaǵy qaıtys bolǵan jigittiń týystary aıtqan eken. Iesi qaıtys bolǵannan beri onyń ıti túnimen mazasyzdanyp, kóz ilmeıtin bolǵan. Osyǵan oraı, sýdıa ıtpen «baılanys ornatý» úshin sarapshy veterınar mamannyń kómegine júgingen. Sarapshy ózimen birge sot otyrysyna taǵy bir Norman ataýly ıtti ertip kelgen. Osylaısha, veterınar eki ıttiń baılanysy arqyly qylmyskerdi anyqtaýdy kózdegen.
Alaıda, olardyń bul tirliginen eshteńe shyqpady. Sebebi, eki ıt te qoıylǵan suraqqa jaýap qatpady. Aıta keterligi, sotta kúdikti retinde jaýapqa tartylyp jatqan azamattyń qorǵaýshysy Gregýar Lafarj tergeýge osynsha erekshe ádispen kelgen quqyq qorǵaý organdarynyń jumysyna narazylyq tanytty. Tipti, ol prokýrorǵa sýdıanyń bul áreketi eki janýarǵa teris áserin tıgizetinin aıtyp eskertý jasady.
«Mundaı bassyzdyq frantsýz sotynyń ádildigine nuqsan keltiredi. Sebebi, sýdıa óziniń parasat-paıymyna ıek artýdyń ornyna qaıdaǵy joq aqylǵa syıymsyz tájirıbelerdi júzege asyryp, ádilet salasyna úlken qaýip tóńdirip tur», - dedi qorǵaýshy.
n
