It qaýyp alǵan Túrkistan oblysynyń turǵyny qutyrma aýrýynan qaıtys boldy
Túrkistan oblysynda jyl basynan beri 5968 azamat janýarlardan jaraqat alyp, medıtsınalyq kómekke júgingen.
Onyń ishinde 5 190-y ıtten, 479-y mysyqtan, 72-i jylqydan, 13-i iri qaradan, 15-i usaq maldan, 199-y basqa da janýarlar men kemirgishterden zardap shekken.
Degenmen, bul kórsetkish byltyrǵy jylmen salystyrǵanda jaraqat alýshylardyń 2,3% azaıǵanyn kórsetedi.
Jalpy Túrkistan oblysy asa qaýipti juqpaly aýrýlar boıynsha endemııalyq aımaqqa kiredi.
Sonymen birge qutyrma aýrýynyń qaýpi joǵary aımaqtar qataryna jatady.
«Oblystyq Veterınarlyq zerthananyń deregi boıynsha 51 patologııalyq materıal qutyrma aýrýyna tekserilip, bir synamadan oń nátıje anyqtaldy. Jergilikti atqarýshy organdardyń ıesiz ıtter men mysyqtardyń kózin joıý, qutyrma aýrýynyń aldyn alý jumystary únemi baqylaýda» delingen Túrkistan oblysy sanıtarlyq epıdemıologııalyq baqylaý departamentiniń baspasóz qyzmeti taratqan aqparatta.
Aıta keteıik, jyl basynan beri oblysta dárigerge ýaqtyly júginbegen bir azamat aýrýynyń asqynyp ketýine baılanysty qaıtys boldy. Ony ıt qaýyp alǵan.
