IT habtar men venchýrlik qorlar ekonomıkanyń basty draıverine aınalýy tıis – Bektenov

ASTANA. KAZINFORM – Úkimet basshysy Oljas Bektenov tsıfrlyq tehnologııalardyń ekonomıkaǵa qosatyn úlesi men ІT qyzmetterdiń jergilikti úlesin arttyrýdyń joldaryn atady. 

«Memleket basshysy 2029 jyly tsıfrlyq tehnologııalardyń ekonomıkaǵa qosatyn úlesin 1%-ǵa deıin, al ІT qyzmetterdegi jergilikti úlesti keminde 80%-ǵa jetkizý mindetin qoıdy. Oǵan qol jetkizýde IT habtar men venchýrlik qorlar basty draıverlerge aınalýǵa tıis. Keıingi alty jylda Qazaqstanda venchýrlik qarjylandyrý kólemi 6 ese artty. Ary qaraı ósý úshin osy saladaǵy ozyq sarapshylardy tartýymyz kerek. Bul oraıda bilim berý baǵdarlamalaryn damytyp, iri bıznesti tartý jáne saýatty tsıfrlyq ınfraqurylym qurý jumystaryna jete kóńil bólý qajet», - dedi Oljas Bektenov Úkimet otyrysynda. 

Sondaı- aq Premer-mınıstr jasandy ıntellektini damytý jospary týraly aıtty. 

«Qazir salaǵa qatysty zańnamany jetildirý boıynsha jumystar belsendi júrgizili jatyr. Kelesi jyly Astanada jasandy ıntellekt ortalyǵyn iske qosý josparlanýda. Tsıfrlandyrý mınıstrligi bul máseleni erekshe baqylaýda ustaýy kerek. E-commerce, BigData, GameDev, Fintech, MedTech pen basqa da serpindi jobalardyń eksporttyq áleýeti joǵary. Olardyń belsendi damýy 2026-shy jylǵa qaraı ІT ónimder men qyzmetter eksportyn 1 mıllıard dollarǵa deıin ósirýge yqpal etpek», - deıdi ol. 

Buǵan deıin Oljas Bektenov óńirlerde tsıfrlyq ınfraqurylym tolyq qamtamasyz etilmegenin aıtty. Onyń aıtýynsha ákimdikter bul máselege jetkilikti kóńil bólmeıdi.