It asyraýǵa salyq engizý usynysyn áli zertteý kerek - UEM

ASTANA. KAZINFORM – Qazaqstanda ıt asyraýǵa salyq engizý muqııat taldaý men talqylaýdy qajet etedi. Bul týraly Úkimet otyrysynda QR Ulttyq ekonomıka birinshi vıtse-mınıstri Azamat Ámrın málim etti.

Aıta keteıik, jaqynda Májilis depýtaty Magerram Magerramov birqatar eýropalyq eldi mysalǵa keltirip, Qazaqstanda ıt asyraýǵa salyq engizýdi usyndy.

— Kez kelgen usynys, ıaǵnı qandaı da bir jańa salyqty engizý - tereń taldaýdy qajet etedi. Eń aldymen, bul jóninde talqylaý kerek. Ekinshiden, bul salyqtyń maqsaty – ıtterdi baǵý nemese buralqy ıtter sanyn azaıtý. Biraq, bul jaǵdaıda salyqty engizý – kerisinshe, ıt asyramaý tetigin yntalandyratyn sııaqty. Sebebi ol úshin salyq tóleý kerek bolady. Sondyqtan bul jerde kóptegen suraq bar, ıaǵnı jan-jaqty pysyqtaý kerek, - dedi A. Ámrın.

Onyń aıtýynsha, bul bastama jańa salyq saıasatyna qaıshy keledi.

— Jańa Salyq kodeksi aıasynda, salyq túrlerin azaıtý mindeti turdy. Bul turǵyda salyqtar men alymdar sanyn 30 paıyzǵa qysqartqanymyzdy bilesizder. Osy jaǵdaıda jańa salyqty qosý durys bolmaıtyn shyǵar», - dedi vıtse-mınıstr.

Eske salsaq, jyqanda Parlament Májilisi ıtter men mysyqtardy mindetti chıpteý normasyn engizetin zań qabyldady.