Ystyqkólde jer silkindi

ASTANA. KAZINFORM – 4 qarashada jergilikti ýaqyt boıynsha saǵat 05:31-de Qyrǵyzstannyń Qytaımen shekarasynda epıtsentrinde shamamen 4 baldyq jer silkinisi boldy, dep habarlaıdy Kazinform menshikti tilshisi.

Qyrǵyz Respýblıkasy Ulttyq ǵylym akademııasy seısmologııa ınstıtýtynyń aldyn ala málimetinshe, jer silkinisiniń oshaǵy Qytaıda (Kak Shaal Too jotasy), Bedel aýylynan ońtústik-shyǵysqa qaraı 20 shaqyrym, Qumtór kenishinen ońtústik-shyǵysqa qaraı 70 shaqyrym, Qarakólden ońtústik-shyǵysqa qaraı 125 shaqyrym jerde jatyr.

Bedel eldi mekeninde jer silkinisiniń kúshi 2,5 baldy qurady.

Qazan aıynda Qyrǵyzstanda 4,6 baldyq jer silkinisi boldy.

19 qazanda jergilikti saǵat 01:32-de Ózbekstanda 2 baldyq jer silkinisi sezildi.

Eske sala ketsek, Qazaq qurylys jáne sáýlet ǵylymı-zertteý jáne jobalaý ınstıtýty megapolıstegi ǵımarttar men turǵyn úılerdiń jer silkinisine qarsy qaýipsizdik pasportyn jasap jatqany týraly habarlaǵan bolatynbyz.