Ystyqkólde aqqýlardyń jappaı qyrylý deregi tirkeldi

ASTANA. KAZINFORM — Ystyqkólde óli aqqýlar tabyldy, dep habarlaıdy Kazinform agenttiginiń menshikti tilshisi.

Qyrǵyz Respýblıkasynyń Tabıǵı resýrstar, ekologııa jáne tehnıkalyq baqylaý mınıstrliginiń málimetinshe, oqıǵa ornyna kelip jetken ekologter men veterınarlar qustardyń jappaı qyrylý dereginiń sebebin anyqtap jatyr. Sondaı-aq, kóldiń jaǵdaıyna jáne onyń qorshaǵan ortasyna keshendi tekseris júrgiziledi. Budan bólek ólgen qustardan synama alynyp, zerthanalyq taldaý jasalady.

Aldyn ala berilgen aqparatqa sáıkes qustardyń jappaı qyrylýyna brakonerlik sebep bolýy múmkin. Sebebi keıbir óli qusty soıǵanda aýlardyń fragmentteri, balyq aýlaıtyn ilmekter anyqtaldy. Sonymen qosa mamandar qustardyń qyrylýyna túrtki bolýy múmkin basqa sebepterdi de zerdelep jatyr.

— Aqqýlar Ystyqkólge qazannyń sońynda — qarashanyń basynda qystaý úshin ushyp kelip, naýryz-sáýirge deıin osy jerdi mekendeıdi. Bul qustardyń basym bóligi Sibir men Qazaqstannan qonys aýdarady. Aqqýlar — jabaıy qustar. Olar taıaz sýdaǵy baldyrlarmen jáne sýdaǵy ósimdikterdiń tamyrlarymen qorektenedi. Kóldiń tereń aımaqtarynda azyǵyn taba almaıdy. Eger olarǵa adamdar tym jaqyndap ketse, qustar shoshyp, kóldiń tereń jerine qaraı júzip ketedi, saldarynan jem-shóbine qol jetkize almaı qalady. Uzaq jerden ushyp kelgen qustar álsirep, mundaı jaǵdaıda azyǵyn taba almaı, ashtan ólip ketýi múmkin, — dedi ornıtolog Seııtkazy Sagynbaev.

Mınıstrliktiń tergeý nátıjeleri boıynsha qosymsha sharalar qabyldanady.

Buǵan deıin Qyrǵyzstanda sel júrgeni málim boldy.