Ystyqkól tabanynan jalpy uzyndyǵy 1200 metrge jetetin eski aýlar shyǵaryldy
ASTANA. KAZINFORM – Ystyqkóldi eski aý men qoqystan tazartý jumystary jalǵasyp jatyr. Bul týraly Tabıǵı resýrstar, ekologııa jáne tehnıkalyq baqylaý mınıstrligi habarlady, dep jazdy qyrǵyzstandyq KABAR agenttigi.
Vedomstvo málimetinshe, 11 sáýir kúni mınıstrlik qyzmetkerleri kólden jalpy uzyndyǵy 1200 metrge jetetin eski aýlardy shyǵaryp alǵan.
Mekeme ókilderiniń aıtýynsha, ótken jyly jalpy uzyndyǵy 30 myń 600 metrdi quraǵan 306 sıntetıkalyq aý kól tabynynan alynypty.
Mınıstrlik Ystyqkóldiń biregeı ekojúıesin qorǵaýǵa árbir qyrǵyzstandyq óz úlesin qosyp, brakonerlik pen zańsyz balyq aýlaýǵa qarsy turýy qajet ekenin atap ótti.
Mınıstrlik ókilderi tabıǵatty qorǵaý jáne oǵan uqypty qaraý ár azamattyń mindeti ekenin eske saldy.
Aıta keteıik, Qazaqstanda sýǵa uqypty qaraý mádenıeti kúsheıtilip jatyr.
Al «Qazgıdrogeologııa» mekemesi 700-den astam jańa bulaq tapty.
Sondaı-aq Qazaqstannyń bes óńirinde jerasty sýynyń jańa kózderin anyqtaý boıynsha barlaý jumysy júrgiziledi.
