Ystyq, órt qaýpi: Qazgıdromet elimizdiń birqatar óńirinde aýa raıyna baılanysty eskertý jasady

ASTANA. KAZINFORM – «Qazgıdromet» AQ elimizdiń birqatar óńirinde aýa raıyna baılanysty eskertý jarııalady.

21 shildede kúndiz Atyraý oblysynyń batysynda naızaǵaı oınaıdy. Ońtústik-shyǵystan jel soǵady, oblystyń ońtústiginde, shyǵysynda ekpini 15-20 m/s. Oblys boıynsha 35-39 gradýs ystyq bolady.

21 shildede Jetisý oblysynyń taýly aýdandarynda naızaǵaı oınaıdy. Soltústik-shyǵystan jel soǵady, oblystyń shyǵysynda, soltústiginde ekpini 15-20 m/s.

21 shildede kúndiz Qyzylorda oblysynyń ortalyǵynda, shyǵysynda shańdy daýyl turady. Jel soltústik-shyǵystan soǵady, kúshi oblystyń ortalyǵynda, shyǵysynda 15-20 m/s. Kúndiz 41 gradýs ystyq. Tótenshe órt qaýpi saqtalady.

21 shildede kúndiz Mańǵystaý oblysynyń batysynda, soltústiginde shańdy daýyl turady. Ońtústik-shyǵystan jel soǵady, kúndiz oblystyń batysynda, soltústiginde jyldamdyǵy 15-20 m/s bolady. Kúndiz 38-40 gradýs ystyq, tótenshe órt qaýpi saqtalady.

21 shildede kúndiz Aqmola oblysynyń soltústiginde, shyǵysynda naızaǵaı oınaıdy. Soltústik-batystan jel soǵady, kúndiz oblystyń soltústiginde, shyǵysynda ekpini 15-20 m/s. Oblystyń batysynda, ońtústiginde, ortalyǵynda joǵary órt qaýpi saqtalady.

21 shildede kúndiz Almaty oblysynyń taýly aýdandarynda naızaǵaı oınaıdy. Ontústik-batystan soǵatyn jel soltústik-batys baǵytqa aýysady, kúndiz oblystyń ońtústiginde, taýly aýdandarynda ekpini 15-20 m/s.

21 shildede kúndiz Túrkistan oblysynyń soltústiginde, batysynda shańdy daýyl turady. Soltústik-shyǵystan jel soǵady, túnde oblystyń taý asýlarynda, kúndiz oblystyń soltústiginde, batysynda, taýly aýdandarynda kúshi 15-20, ekpini 23 m/s. Kúndiz oblys boıynsha 41 gradýs ystyq bolady. Oblysta tótenshe órt qaýpi saqtalady.

21 shildede Abaı oblysynda jel soltústik-shyǵystan soǵady, oblystyń ońtústiginde, ortalyǵynda 15-20 m/s. Kúndiz oblystyń ońtústiginde 35 gradýs ystyq. Oblys boıynsha joǵary órt qaýpi saqtalady.

21 shildede kúndiz Aqtóbe oblysynyń ońtústiginde, batysynda 35-38 gradýs ystyq. Oblystyń ońtústiginde, ortalyǵynda tótenshe órt qaýpi saqtalady, oblystyń soltústik-batysynda, soltústik-shyǵysynda joǵary órt qaýpi saqtalady.

21 shildede kúndiz Shyǵys Qazaqstan oblysynyń shyǵysynda naızaǵaı oınaıdy. Jel soltústik-batystan soǵady, oblystyń shyǵysynda, ońtústiginde jyldamdyǵy 15-20 m/s. Oblystyń batysynda, shyǵysynda, ońtústiginde joǵary órt qaýpi saqtalady.

21 shildede Pavlodar oblysynyń soltústiginde, shyǵysynda naızaǵaı oınaıdy. Túnde oblystyń soltústiginde, batysynda tuman túsedi. Soltústik-batystan jel soǵady, oblystyń soltústiginde, shyǵysynda kúndiz ekpini 15-20 m/s. Oblystyń ońtústiginde, shyǵysynda joǵary órt qaýpi saqtalady.

21 shildede túnde jáne tańerteń Qaraǵandy oblysynyń soltústiginde tuman túsedi. Soltústik-shyǵystan soǵatyn jel soltústik-batysqa aýysady, oblystyń ońtústiginde keı ýaqytta ekpini 15-20 m/s. Oblystyń soltústiginde, shyǵysynda joǵary órt qaýpi, oblystyń batysynda, ońtústiginde tótenshe órt qaýpi saqtalady.

21 shildede Ulytaý oblysynda soltústik-shyǵystan, shyǵystan jel soǵady, oblystyń ońtústiginde, ortalyǵynda keı ýaqytta ekpini 15-18 m/s. Kúndiz 35 gradýs ystyq.

21 shildede Batys Qazaqstan oblysynyń batysynda, soltústiginde naızaǵaı oınaıdy. Jel ońtústik-shyǵystan, shyǵystan soǵady, oblystyń batysynda, ońtústiginde ekpini 15-20 m/s. Kúndiz 35-38 gradýs ystyq.

21 shildede Jambyl oblysynyń ońtústik-batysynda, soltústik-shyǵysynda, taýly aýdandarynda soltústik-shyǵystan jel soǵady, kúshi 15-20, ekpini 25 m/s. Oblystyń batysynda, ońtústiginde, shyǵysynda tótenshe órt qaýpi saqtalady.

21 shildede Soltústik Qazaqstan oblysynyń soltústiginde, shyǵysynda naızaǵaı oınap, kúndiz burshaq jaýady. Túnde jáne tańerteń oblystyń soltústiginde, shyǵysynda tuman túsedi. Soltústikten jel soǵady, kúndiz oblystyń shyǵysynda ekpini 15-20 m/s.

Osyǵan deıin Koreıada tolassyz jaýynnan 14 adam qaza taýyp, 12-si iz-túzsiz joǵalǵany týraly jazdyq.