Ystyq yqylas hám ystyq palaý: Astanada Tashkent mádenıet kúnderi ótip jatyr
ASTANA. KAZINFORM – Ózbekstan prezıdenti Shavkat Mırzıeevtiń Qazaqstanǵa memlekettik sapary aıasynda Astanada Tashkent Mádenıet kúnine arnalǵan is-sharalar ótip jatyr. Elorda turǵyndary ózbek halqynyń mádenı baı murasymen tanysyp, ulttyq taǵamdarynan dám tatty.
Astananyń ortalyq saıabaǵynda oıyn-saýyq jáne tanymdyq is-sharalar tartymdy uıymdastyrylyp, elordalyqtar men shahar qonaqtary tarapynan joǵary baǵalanýda. Turǵyndar ózderin quddy bir Tashkentte júrgendeı sezinip, eki el dostyǵynyń arta berýin tilek etti.
«Ózbekstan men Qazaqstannyń tyǵyz dostastyǵy aıasynda Astanada qala turǵyndary men qonaqtaryna arnalǵan is-shara ótip jatyr. Bul oqıǵa bizdiń dostyǵymyz ben yntymaqtastyǵymyzdyń jarqyn úlgisi bolyp sanalady. Biz qos eldiń mádenıeti men dástúriniń baı ekenin kórsete otyryp, Ózbekstan men Qazaqstan arasyndaǵy baılanysty nyǵaıtýǵa umtylamyz», - deıdi hokımniń baspasóz hatshysy Gúlnoza Qasymova.
Sondaı-aq, Tashkent Mádenıet kúni aıasynda birneshe bıznes-forým, qolónershiler jármeńkesi, ulttyq ózbek taǵamdarynyń kórsetilimin uıymdastyrylyp jatyr.
Esterińizge sala keteıik, is-shara 9 tamyzǵa deıin jalǵasady.
