Іsterdi qaraýdyń apellıatsııalyq, kassatsııalyq jáne qadaǵalaý tártibin jetildirý boıynsha qujat birinshi oqylymda maquldandy-Senat
ASTANA. 18 qańtar. QazAqparat /Rýslan Ǵabbasov/ - Búgin QR Parlamenti Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine isterdi qaraýdyń apellıatsııalyq, kassatsııalyq jáne qadaǵalaý tártibin jetildirý,
senim deńgeıin arttyrý jáne sot tóreligine qoljetimdilikti qamtamasyz etý máseleleri boıynsha ózgerister men tolyqtyrýlar engizý týraly» Zań jobasy birinshi oqylymda maquldandy.
Zań jobasymen isterdi qaraýdyń apellıatsııalyq, kassatsııalyq jáne qadaǵalaý tártibin jetildirý usynylady.
Atap aıtqanda, isterdiń árbir sot satysynda mindetti túrde kezeń-kezeńimen ótýi usynylyp otyr. Bul rette bir jáne sol sottyń (oblystyq) aıasynda eki saty saqtalady (apellıatsııalyq, kassatsııalyq).
Apellıatsııalyq satydaǵy sot isti mán boıynsha qaraıdy, onyń isti birinshi satydaǵy sotqa qaraýǵa jiberý quqyǵy alyp tastalady.
Kassatsııalyq satydaǵy sot zańdy kúshine engen sot aktilerin olar apellıatsııalyq tártippen qaıta qaralǵannan keıin ǵana qaraıtyn bolady. Qadaǵalaý satysyndaǵy sot ta (Joǵarǵy Sot) zańdy kúshine engen sot aktilerin qaraıdy, biraq olar kassatsııalyq tártippen qaıta qaralǵan soń ǵana qaralady.
Atalǵan qujat boıynsha QR Joǵarǵy Sotynyń Tóraǵasy Bektas Beknazarov baıandama jasady.
