Ystanbuldyń qamaýǵa alynǵan meri 2430 jylǵa deıin sottalýy múmkin
ASTANA. KAZINFORM – Ystanbuldyń qamaýǵa alynǵan meri Ekrem Imamoǵlýǵa qarsy jańa sot protsesi bastaldy. Aıyptaýlar tizimine qylmystyq uıymdasý, paraqorlyq pen jymqyrý sııaqty 142 bap kiredi jáne 3 900 betten turady.
Hurriyet Daily News basylymynyń habarlaýynsha, eger aıyptaý tarapy burynǵy merdiń kinásin barlyq aıyptaý boıynsha dáleldeı alsa, ol 2430 jylǵa deıin bas bostandyǵynan aıyrylýy múmkin.
Alǵashqy tyńdaýdy Ekrem Imamoǵlýǵa málimdeme jasaýǵa ruqsat bermegen sýdıa keıinge qaldyrdy. Eks-mer «ózin ózi qorǵaıtyn adamdardyń quqyqtaryn qurmetteýge» shaqyrǵannan keıin, sýdıa sot zalynan shyǵyp ketti, al barlyq qatysýshydan ketý suraldy. Tyńdaý túske taman jalǵasty.
Qatysýshylar arasynda Ekrem Imamoǵlýdyń týystary jáne oppozıtsııalyq Respýblıkalyq halyq partııasynyń (RHP) jetekshisi Ózgúr Ózel boldy. Іs-sharalar qatań kúzetpen ótip jatyr. Sot ǵımaratynan 1 shaqyrym radıýsta kez kelgen narazylyq aktsııalaryna tyıym salynady. Sot ǵımaratynyń janyndaǵy temir tordyń artynda burynǵy merdiń jaqtastary jınaldy.
Respýblıkalyq Halyq partııasynyń (RHP) jetekshileriniń biri Ekrem Imamoǵlý 2025 jyldyń naýryz aıynda sybaılas jemqorlyq aıyptaýlary boıynsha qamaýǵa alyndy. Ol barlyq aıyptaýdy joqqa shyǵarady, olardy saıası astary bar dep ataıdy.
Imamoǵlý prezıdent saılaýynda Rejep Taıyp Erdoǵannyń basty qarsylasy bolyp sanaldy, al onyń tutqyndalýy narazylyq aktsııalaryn týdyrdy.
2025 jyldyń shildesinde Ekrem Imamoglý prokýrordy qorlap, qorqytqany úshin bir jyl segiz aıǵa bas bostandyǵynan aıyryldy. Qazirgi ýaqytta ol sybaılas jemqorlyq isi boıynsha shamamen 400 adammen birge sottalyp jatyr.
Eske sala keteıik, sybaılas jemqorlyq boıynsha aıyptalǵan Ystambul meri qamaýǵa alyndy.
