Ystanbuldyń burynǵy meri bas bostandyǵynan aıyryldy

ASTANA. KAZINFORM – Ystanbuldyń burynǵy meri Ekrem Imamoǵly 1 jyl 8 aıǵa bas bostandyǵynan aıyryldy, dep habarlaıdy CNN.

Ystanbul soty 20 qańtardaǵy paneldik pikirtalas kezinde Ekrem Imamoǵlyny Ystanbuldyń bas prokýrory Akın Gıýrlekke jáne onyń otbasyna qatysty «qyzmettik mindetterin oryndaý kezinde sheneýnikti kópshilik aldynda qorlaý» jáne «qoqan-loqqy kórsetý» baptary boıynsha kináli dep tapty.

Prokýrorlar ony osy eki bap boıynsha, sondaı-aq «terrorızmmen kúreske qatysqan adamdardy qýdalaý» baby boıynsha kináli dep tanýdy jáne 7 jyl 4 aıǵa deıin bas bostandyǵynan aıyrýdy talap etti.

Alaıda sot Ekrem Imamoǵlyny «terrorızmmen kúreske qatysqan adamdardy qýdalady» degen aıypty aqtap, ony 1 jyl, 5 aıǵa jáne 15 kúnge bas bostandyǵynan aıyrdy. Sonymen qatar «Qyzmettik mindetterin oryndaý kezinde sheneýnikti kópshilik aldynda qorlaǵany úshin», sondaı-aq «qoqan-loqqysy» úshin 2 aı 15 kúnge bas bostandyǵynan aıyrdy.

Osylaısha, Ystanbuldyń burynǵy meri saıası tyıymsyz jalpy 20 aıǵa bas bostandyǵynan aıyryldy.

Esterińizge sala keteıik, Ekrem Imamoǵly naýryz aıynyń sońynda aýqymdy arnaıy operatsııa barysynda ustaldy.

Ol ustalǵannan keıin Túrkııanyń iri qalalarynda jappaı sherýler men narazylyq bastaldy.