Ystanbuldaǵy tabıǵı apattan keıin qylmystyq is qozǵaldy
STANA. KAZINFORM – Túrkııa prokýratýrasy Ystanbuldaǵy nóser jańbyr men sý tasqynynan adamdardyń qaza tabýyna baılanysty tergeý bastady. Sondaı-aq zańbuzýshylyqtar men salǵyrttyq faktileri de tekseriledi, dep habarlaıdy Kazinform agenttiginiń Ankaradaǵy menshikti tilshisi.
Túrkııanyń Ádilet mınıstri Akyn Gúrlek Ystanbulda nóser jańbyrdan týyndaǵan sý tasqynyna baılanysty adam ólimine qatysty tergeý bastalǵanyn málimdedi.
Onyń aıtýynsha, tergeý oqıǵanyń mán-jaıyn tolyq anyqtaýǵa, jaýapsyzdyq pen zań buzýshylyq derekteriniń bar-joǵyn tekserýge baǵyttalǵan.
Osy oqıǵaǵa baılanysty Fatıh aýdanynda 14 jastaǵy Mahmýt Yshyldaqtyń qaza tabýy kópshiliktiń nazaryn aýdardy. Aldyn ala málimet boıynsha, jasóspirim toqqa túsip kóz jumǵan.
Qazir oqıǵa ornynda tehnıkalyq tekserý men saraptama júrgizilip jatyr. Akyn Gúrlek oqıǵanyń mán-jaıy anyqtalǵansha tergeý jalǵasatynyn aıtty.
Buǵan deıin Ystanbuldaǵy sý tasqynynan qaza tapqandar sany tórt adamǵa jetkenin habarlaǵan edik.
