Ystanbuldaǵy Izraıl konsýldyǵynyń mańyndaǵy atys: Shabýylshylar qaza tapty
ASTANA. KAZINFORM — Ystanbuldyń iskerlik aýdanyndaǵy Izraıl Bas konsýldyǵynyń mańynda polıtsııa men úsh qarýly adam arasynda atys boldy, dep habarlaıdy Kazinform agenttiginiń Ankaradaǵy tilshisi.
Oqıǵa ornyna polıtsııa men medıtsına qyzmetkerleri dereý jetti.
Shabýyl jasaǵandardyń barlyǵy qaza taýyp, eki polıtsııa qyzmetkeri jeńil jaraqat aldy.
Túrkııanyń ishki ister mınıstri Mýstafa Chıftchıdiń aıtýynsha, kúdiktilerdiń kim ekeni anyqtaldy. Olar Ystanbulǵa Izmıtten jalǵa alynǵan kólikpen kelgen. Aldyn ala málimetter boıynsha, olardyń biri dinı ekstremıstik uıymmen baılanysta, al ekinshisiniń esirtkige qatysty qylmystary bar.
Oqıǵanyń konsýldyqqa shabýyl jasaý áreketine qatysy bar-joǵy áli anyqtalǵan joq.
Túrkııanyń ádilet mınıstri Akyn Gıýrlek Ystanbul qalalyq prokýratýrasy oqıǵa boıynsha tergeý bastaǵanyn málimdedi. Іske bas prokýrordyń orynbasaryn qosa alǵanda, úsh prokýror taǵaıyndaldy jáne olar oqıǵanyń mán-jaıyn anyqtaý úshin qylmys ornyn tekserýdi bastady.
Buǵan deıin Túrkııada Qazaqstan azamatynyń óltirilgeni habarlanǵan bolatyn. QR Syrtqy ister mınıstrligi azamattyń qaıtys bolǵanyn rastady.
