Ystanbulda jer silkinisi saldarynan baılanys úzildi

ASTANA. KAZINFORM - Mármár teńizi jaǵalaýynda magnıtýdasy 5,0 baldyq jer silkinisi bolyp, ony megapolıste mıllıondaǵan adam sezdi, dep habarlaıdy Kazinform agenttiginiń óz tilshisi.

Jerasty dúmpýleri uıaly baılanys operatorlarynyń qyzmetinde ýaqytsha qıyndyqtar týdyrdy.

Jergilikti ýaqyt boıynsha saǵat 14:55-te (Astana ýaqytymen 16:55) Tekırdag provıntsııasynyń Marmara Ereglısı qalasy mańyndaǵy Mármár teńizi jaǵalaýynda magnıtýdasy 5,0 baldyq jer silkinisi tirkeldi.

Bul týraly Túrkııa úkimeti janyndaǵy Tótenshe jaǵdaılardyń aldyn alý jáne joıý basqarmasy (AFAD) men seısmologııalyq baqylaýmen aınalysatyn Kandıllı observatorııasy habarlady.

Jer silkinisi Túrkııanyń eń úlken qalasy Ystanbulda sezildi. Turǵyndardyń kóbi jer silkinisiniń qaıtalanýynan qorqyp, úılerinen jáne keńselerinen shyǵyp kóshege júgirdi. Qalada keı aýdandarda uıaly baılanys ýaqytsha isten shyǵyp, halyq arasynda dúrbeleń týdy.

GSM operatorlarynyń jumysynda da qıyndyqtar týyndap, abonentterdiń kóbi týystary jáne jaqyndarymen habarlasa almady. Tabıǵı apattan keıin telekommýnıkatsııalyq ınfraqurylymnyń jumysynyń qıyndaýy buǵan deıin de bolǵan. Paıdalanýshylar dúmpýlerden keıin baılanys pen ınternettiń úzilgenin aıtyp jatty.

Qazirgi tańda zardap shekkender men qıraý týraly aqparat joq. Quzyrly organdar eldi sabyr saqtaýǵa jáne resmı habarlamalardy tyńdap otyrýǵa shaqyrdy. Qutqarý jáne tótenshe qyzmetter jerasty dúmpýleriniń qaıtalanýy múmkin ekenin aıtyp, jaǵdaıǵa daıyn bolýǵa shaqyrdy.

Marmara -Túrkııanyń seısmıkalyq belsendi aımaqtarynyń biri. Munda sońǵy ret iri jer silkinisi 1999 jyly Izmıt qalasynda bolyp, ol 17 myńnan astam adamnyń ómirin qıdy. Sarapshylar bul óńirde qatty jerasty dúmpýleriniń yqtımaldyǵy joǵary ekenin únemi eskertip keledi.

Buǵan deıin Túrkııanyń Kıýtahıa provıntsııasynda da jer asty dúmpýleri tirkelgeni habarlanǵan edi.

Osyǵan deıin Túrkııanyń batysyndaǵy Kýtahıa provıntsııasynda 5,4 baldyq jer silkinisi bolǵany týraly habarladyq.