Ystanbulda Túrkııanyń «Bolat kúmbez» áýe qorǵanys júıesi tanystyryldy
ASTANA. KAZINFORM — Álemdegi eń iri avıatsııa, ǵarysh jáne tehnologııa festıvalderiniń biri «TEKNOFEST»-te Túrkııanyń «Bolat kúmbez» áýe qorǵanys júıesi jurtshylyqqa tanystyryldy, dep habarlaıdy TRT.
Túrik qorǵanys kompanııasy «ASELSAN» Ystanbuldaǵy «TEKNOFEST» festıvalinde «Bolat kúmbez» tájirıbe alańyn quryp, kelýshilerge áýe qaýipterine qarsy júıeniń qalaı jumys isteıtinin tamashalaý múmkindigin usynyp otyr.
Bes kúnge sozylatyn tehnologııa jáne avıatsııa festıvali «TEKNOFEST» sársenbi kúni Ystanbulda Atatúrik áýejaıynda bastaldy. Іs-sharany Túrkııa tehnologııa komandasy (T3) qory men Túrkııanyń Indýstrııa jáne tehnologııa mınıstrligi uıymdastyryp jatyr.
Festıval aıasynda tehnologııalyq jarystardan bastap áýe kórsetilimderine deıin kóptegen is-shara ótip jatyr.
Sondaı-aq «Bolat kúmbez» áýe qorǵanys júıesiniń ártúrli quramdas bólikteri de kórmege qoıylǵan. Zamanaýı tehnologııalar arqyly «Bolat kúmbezdiń» quramdas bólikteriniń qaýipke qarsy qalaı tótep beretini kórsetildi.
Bıyl festıval aıasynda 58 negizgi shara jáne 137 qosymsha sanat qamtylǵan. Álemniń túkpir-túkpirinen kelgen qatysýshylar bilimi men tájirıbesin kórsetip, tehnologııany damytýǵa úles qosyp keledi.
Eske sala keteıik, buǵan deıin Túrkııa Indonezııaǵa 48 otandyq joıǵysh ushaǵyn eksporttaıtyny týraly jazdyq.