Ystanbulda Túrki memleketteri uıymy cyrtqy ister mınıstrleri keńesiniń beıresmı otyrysy ótti
ASTANA. KAZINFORM - Túrki memleketteri uıymy cyrtqy ister mınıstrleri keńesiniń beıresmı otyrysy ótti, dep habarlaıdy QR Syrtqy ister mınıstrliginiń baspasóz qyzmeti.
Іs-sharaǵa Qazaqstan delegatsııasyn Qazaqstan Respýblıkasy Syrtqy ister mınıstriniń orynbasary Álibek Baqaev bastap bardy.
Otyrys Túrkııa Respýblıkasy Syrtqy ister mınıstri Hakan Fıdannyń tóraǵalyǵymen ótti. Jıynǵa TMU-ǵa múshe memleketter – Ázerbaıjan, Qazaqstan, Qyrǵyzstan jáne Ózbekstan syrtqy ister mınıstrleri, sondaı-aq Uıymnyń Bas hatshysy qatysty.
Kezdesý barysynda qatysýshylar óńirlik jáne jahandyq ózekti máseleler boıynsha pikir almasty. Sonymen qatar saıası dıalogty odan ári nyǵaıtý, ınstıtýtsıonaldyq yntymaqtastyqty keńeıtý jáne túrki álemindegi ózara is-qımyl men ıntegratsııany tereńdetýge baǵyttalǵan birlesken bastamalardy ilgeriletý perspektıvalary talqylandy.
Túrki memleketteri uıymy aıasynda josparlanǵan aldaǵy is-sharalarǵa daıyndyq máselelerine, sondaı-aq yntymaqtastyqtyń negizgi baǵyttary boıynsha múshe memleketter arasyndaǵy úılestirýdi kúsheıtýge erekshe nazar aýdaryldy.
Іs-shara aıasynda Á.Baqaev ózge delegatsııa basshylarymen birge Túrkııa Respýblıkasy Prezıdenti Rejep Taııp Erdoǵannyń qabyldaýynda boldy. Suhbat barysynda Qazaqstan men Túrkııa arasyndaǵy strategııalyq seriktestikti odan ári nyǵaıtý máseleleri, sondaı-aq túrki yntymaqtastyǵy sheńberindegi ózara is-qımyldy damytý perspektıvalary talqylandy.
Taraptar baýyrlas túrki memleketteri arasyndaǵy yntymaqtastyqty odan ári nyǵaıtýǵa jáne túrki áleminiń halyqaralyq ári óńirlik úderisterdegi rólin arttyrýǵa ózara múddelilik bildirdi.
Іs-shara qorytyndysy boıynsha TMU Syrtqy ister mınıstrleriniń Taıaý Shyǵystaǵy sońǵy oqıǵalarǵa qatysty birlesken málimdemesi qabyldandy, sondaı-aq TMU+ formatynda úshinshi taraptarmen yntymaqtastyq týraly ereje bekitildi.
Osyǵan deıin Qazaqstan Respýblıkasynyń Syrtqy ister mınıstri Ermek Kósherbaev Mysyr Arab Respýblıkasynyń Syrtqy ister, halyqaralyq yntymaqtastyq jáne sheteldik mysyrlyqtar jónindegi mınıstri Badr Ábdelatymen telefon arqyly sóıleskeni týraly jazdyq.