Ystanbulda Reseı men Ýkraına arasyndaǵy úshinshi kelissóz raýndy aıaqtaldy

ASTANA. KAZINFORM — Taraptardyń tolyq quramdaǵy kezdesýi Máskeý ýaqytymen 20:37-de bastalyp, 40 mınýtqa sozyldy, dep habarlaıdy TASS agenttigi.

— Eń bastysy: almasý tek áskerı qyzmetkerlermen shektelmeı, azamattyqtardy da qamtıdy, — dedi TASS agenttiginiń aqparat kózi.

Onyń aıtýynsha, tolyq quramdaǵy qatysýshylar kelissózge 20:37–de (Astana ýaqytymen 22:37) jınalyp, shamamen 40 mınýt boıy áńgimelesti.

16 mamyrda ótken alǵashqy raýndtyń nátıjesinde taraptar «1000-ǵa 1000» formýlasy boıynsha tutqyndar almasýǵa kelisip, daǵdarysty eńserýdiń túrli aspektileri boıynsha memorandýmdar usynýǵa ýaǵdalasty.

Buǵan deıin Reseı men Ýkraına kelissóz ótkizetin Chıragan saraıynda qaýipsizdik sharalary kúsheıtilgeni belgili boldy.

19 shildede Ýkraına Reseıge kelissózderdi kelesi aptada jańǵyrtýdy usynǵan edi.

Keıinnen Reseımen kelissóz barysynda ýkraın delegatsııasyn Rýstem Ýmerov basqaratyny aıtyldy.

Reseı Federatsııasy prezıdentiniń baspasóz hatshysy Dmıtrıı Peskov búgin Reseı delegatsııasy Ýkraınamen tikeleı kelissózderdiń úshinshi raýndyna qatysý úshin Ystanbulǵa attanǵanyn málimdedi.