Ystanbulda Reseı men Ýkraına arasyndaǵy kelissózderdiń ekinshi kezeńi ótti

YSTANBUL. KAZINFORM - Reseı men Ýkraına arasyndaǵy tikeleı kelissózderdiń ekinshi raýndy josparlanǵan ýaqyttan 1,5 saǵattan astam kesh bastaldy, dep habarlaıdy Kazinform menshikti tilshisi.

Túrkııa men sheteldik BAQ-tyń 200-den astam ókili Reseı men Ýkraına delegatsııalarynyń bitimgershilik kelissózderiniń ekinshi kezeńin kórsetý úshin Ystanbulda bas qosty.

Reseı men Ýkraına arasyndaǵy kelissózderdiń arqasynda Bosfor jaǵalaýyndaǵy záýlim Chyragan saraıy búginde álem nazarynyń ortalyǵyna aınaldy. 

Kelissózder halyqaralyq qaýymdastyq tarapynan da, qaqtyǵysqa qatysýshy taraptar tarapynan da joǵary qyzyǵýshylyq pen shıelenis kútý jaǵdaıynda ótip jatyr.

Kezdesýdi uıymdastyrýshylar qaýipsizdik pen qupııalylyqty barynsha qamtamasyz etkenimen, shara barysyndaǵy atmosfera jaǵymdy jańalyq kútýge toly dep sıpattaýǵa bolady. Kóptegen sarapshy Ystanbuldy tańdaý jáne Túrkııanyń deldal retinde qatysýy beıtarap jáne syndarly dıalog alańyna umtylýdy kórsetedi dep sanaıdy.

Imperatorlyq tarıh pen dıplomatııalyq talǵampazdyqtyń sımvoly sanalatyn Chyragan saraıy búginde deeskalatsııa men ymyraǵa kelý úmit arenasyna aınaldy. Ádettegideı, kelissózderdiń osy raýndynyń qorytyndysy aımaqtaǵy oqıǵalardyń odan ári barysyna aıtarlyqtaı áser etýi tıis.

Buǵan deıin Reseı men Ýkraına arasyndaǵy kelissózder 2 maýsym kúnge josparlanǵany habarlandy.