Ystanbulda Reseı-AQSh kelissózderi aıaqtaldy

ASTANA. KAZINFORM – Ystanbulda Reseı men AQSh delegatsııalary arasynda elshilikter jumysyna qatysty máseleler boıynsha kelissózder aıaqtaldy. Olar 6,5 saǵatqa sozyldy, dep habarlaıdy TASS aqparat agenttigi. 

Kelissózder boıynsha baspasózge suhbat berilgen joq. Máskeý ýaqyty boıynsha saǵat 16:20 shamasynda Reseı delegatsııasy otyrǵan kólik Ystanbuldaǵy kelissózder ótip jatqan AQSh bas konsýly rezıdentsııasynyń aýmaǵynan shyǵyp ketti.

Bul rette Reseı prezıdentiniń baspasóz hatshysy Dmıtrıı Peskov búǵan deıin kelissózderdiń qorytyndylary týraly aqparat «qalaı bolǵanda da beriletinin» atap ótken.

Kezdesý aldynda Máskeý men Vashıngton arasynda osy taqyryp boıynsha eki aldyn ala tehnıkalyq baılanys boldy.

Buǵan deıin Reseı prezıdenti Vladımır Pýtın FQQ otyrysynda sóılegen sózinde reseılik-amerıkalyq baılanystardyń qaıta jandanýyna bári birdeı rıza emes dep málimdegen.

Eske sala ketsek, 18 aqpanda Saýd Arabııasynda AQSh pen Reseı arasynda kelissózder ótti.