Ystanbulda Birinshi Túrkologııa quryltaıynyń 100 jyldyǵy atalyp ótti
YSTANBUL. KAZINFORM — Ystanbulda Túrki akademııasy Marmara ýnıversıtetimen birlesip, 1926 jyly Bakýde ótken Birinshi Túrkologııa quryltaıynyń 100 jyldyǵyna arnalǵan ǵylymı-mádenı is-shara ótkizdi.
Іs-sharada Túrki akademııasynyń ǵylymı basylymdary, sondaı-aq Birinshi Túrkologııa quryltaıynyń tarıhy men murasyn kórsetken fotosýretter men materıaldar kórmesi uıymdastyryldy. Kórmede usynylǵan jarııalanymdar qatarynda alty túrki tilinde jaryq kórgen jáne tarıhı jıynǵa qatysqan 131 delegat týraly málimetter qamtylǵan «1926 jylǵy Baký túrkologııa quryltaıynyń albomy» bar.
Sonymen birge, túrik jáne orys tilderinde jarııalanǵan, biregeı arhıv materıaldaryna negizdelip, quryltaıdyń tarıhı konteksi men mańyzyn ashqan «1926 jylǵy Baký túrkologııa quryltaıynyń arhıvtik qujattary» kitaby da usynyldy.
Óz sózinde Túrki Akademııasynyń prezıdenti Sh. Mustafaev alǵashqy quryltaı XX ǵasyr basynda túrki álemi zııalylarynyń basyn qosqan tarıhı jıyn bolǵanyn, onda aıtylǵan ıdeıalar XXI ǵasyrda da ózektiligin joǵaltpaǵanyn atap ótti.
— Búginde akademııa 50-den astam ǵylymı joba boıynsha jumys istep keledi. Olardyń basym bóligi 1926 jyly Bakýde ótken túrkologııa quryltaıynda talqylanǵan máselelermen tikeleı baılanysty. Atap aıtsaq, túrki tilderiniń termınologııalyq sózdikteri, Túrki mıfologııasynyń entsıklopedııalyq sózdigi, kóne túrki jazba eskertkishteriniń katalogy, «Túrki áleminiń kıeli geografııasy: arheologııalyq jáne arhıtektýralyq eskertkishter» jobasy jáne basqa da irgeli eńbekter bar. Sondaı-aq «Túrki memleketteriniń tarıhy» jobasy boıynsha jumystar jalǵasýda, — dedi akademııa basshysy.
Bakýde bir ǵasyr buryn talqylanǵan túrkitaný ǵylymyn damytý, túrki halyqtaryn ǵylym men bilim arqyly jaqyndastyrý, ortaq ǵylymı termınologııa men ortaq álipbı qalyptastyrý máseleleri búgin de ǵylymı qaýymdastyqtyń kún tártibinde tur.
Osy oraıda 2023 jyly Túrki akademııasynyń úılestirýimen Túrki memleketteriniń til saıasatyna jaýapty resmı mekeme ókilderi men ǵalymdaryn biriktirgen Ortaq túrki álipbıi komıssııasy qurylǵan jáne nátıjesinde 2024 jyly Ortaq túrki álipbıi qabyldanǵan.
Buǵan deıin túrkitanýshy ǵalymdar Almaty qalasynda bas qosqan edi.
Sondaı-aq Túrki memleketteri uıymynyń beıresmı sammıtin joǵary deńgeıde ótkizýge úles qosqan azamattar marapattaldy.
