Ystanbulda áıgili ártister men ánshiler esirtki daýyna ilikti
ASTANA. KAZINFORM – Búgin tańerteń Ystanbulda polıtsııa men jandarmerııanyń keń aýqymdy arnaıy operatsııasy ótti. Іs-shara Túrkııanyń shoý-bıznes ókilderiniń esirtki qoldanýyna qatysty kúdik boıynsha júrgizilir jatyr, dep habarlaıdy Kazinform agenttiginiń menshikti tilshisi.
Quqyq qorǵaý organdarynyń málimetinshe, tekseris tizimine ondaǵan tanymal tulǵa — akterler, ánshiler jáne blogerler kirgen.
Tergeý birneshe apta buryn bastalǵan. Tergeýshiler yqtımal jetkizýshiler men klıentterdiń jelisin anyqtap, baqylaý men dálel jınaý nátıjesinde prokýratýradan tintý men tekserý júrgizýge ruqsat alǵan.
Medıtsınalyq saraptama men suraq-jaýapqa shaqyrylǵandar arasynda túrik shoý-bıznesiniń juldyzdary — Irem Derıdjı, Hadıse, Kýbılaı Aka, Demet Evgar, Berrak Tıýzıýnatach, Ózge Ózpirınchjı, Kaan Iyldyrym, Dýıgý Ozaslan, Bırdje Aqalaı, Metın Aqdıýlger, Mert ıAzydjyoǵlý, Zıınet Salı, Feıza Altýn, sondaı-aq telejúrgizýshi Defne Samıelıdiń qyzdary Derın jáne Deren Talý bar.
Olardy Ystanbuldaǵy jandarmerııanyń Bas basqarmasyna jáne medıtsınalyq mekemelerge jetkizip, taldaý alynǵan. Qazirgi tańda eshkimge resmı aıyp taǵylǵan joq. Tergeý aıasynda tekseris pen jaýap alý júrgizilip jatyr. Eger saraptama nátıjesinde tyıym salynǵan zattardyń bar ekeni anyqtalsa, ár tulǵaǵa qatysty jeke qylmystyq is qozǵalýy múmkin.
Mamandardyń aıtýynsha, bul operatsııa Túrkııa shoý-bıznesi tarıhyndaǵy eń aýqymdy tekserýdiń biri bolyp otyr. Tergeý jalǵasyp jatyr, kúdiktiler tizimi áli de keńeıýi múmkin.
Buǵan deıin Kazinform Túrkııada «Sultan Súleımen» 1 jyl 10 aıǵa shartty túrde sottalǵany týraly jazǵan edi.