Ystanbulda aýa raıynyń qolaısyzdyǵynan ondaǵan reıs toqtatyldy
ASTANA. KAZINFORM — Qalyń qar men burqasyn Túrkııanyń eń iri qalasynda kólik pen avıatsııa jumysyna kedergi keltirdi, dep habarlaıdy Kazinform menshikti tilshisi.
Ystanbulda qalyń qar jaýyp, mektepterdegi sabaqtardy bir kúnge toqtatýǵa jáne qoǵamdyq kólikti shekteýge májbúr etti. Qala ákimshiligi bul sheshimdi aýa raıynyń qolaısyzdyǵy men boljamdarǵa silteme jasap jarııalady.
Aýa raıy qyzmetteriniń málimetinshe, búgin temperatýra 4-9 gradýs Tselsııge tómendedi. Soltústikten baǵyt alǵan jel 50-70 km/saǵ jyldamdyqpen soǵady, al jaǵalaýdaǵy aýdandarda áli de qar jaýýy múmkin. Sondyqtan mektepterdegi is-sharalar bir kúnge toqtatyldy.
Aýa raıy áýe qatynasyna da aıtarlyqtaı áser etti. Ulttyq tasymaldaýshy Turkish Airlines Ystanbul halyqaralyq áýejaıynan 54 reısti, AJet Sabıha Gókchen áýejaıynan 24 reısti, al Pegasus áýe kompanııasy taǵy 46 reısti toqtatty.
Meteorologter Túrkııanyń 54 provıntsııasy úshin sary deńgeıli eskertý jarııalady.
Buǵan deıin Ystanbuldaǵy qolaısyz aýa raıynyń qala turǵyndary men qonaqtary úshin keri áserin tıgizip jatqanyn habarlaǵan edik.