Ystanbul meri Ekrem Imamoglý arnaıy operatsııa kezinde ustaldy

ASTANA. KAZINFORM – Túrkııa prezıdenti Rejep Taıyp Erdoǵannyń basty saıası qarsylasy Ystanbul qalasynyń meri Ekrem Imamoglý men onyń baspasóz keńesshisi Murat Ongýn arnaıy operatsııa kezinde tutqyndalyp, sotqa berildi. Іs boıynsha barlyǵy 100 adam kúdikti retinde tergelýde. Bul týraly CNN Turk habarlady. 

Buǵan deıin Ystanbul meri Ekrem Imamoglýdy qamaýǵa alýǵa order berilgenin habarlaǵan edik. 

CNN Turk telearnasy gýbernatordyń tutqyndalý sebebin habarlady.

– Ystanbuldyń oppozıtsııalyq meri Ekrem Imamoglý sybaılas jemqorlyqpen, paraqorlyqpen jáne bopsalaýmen aınalysqan uıymǵa qatysy bar degen aıyppen qamaýǵa alyndy. Onyń úıine tintý júrgizilip, polıtsııa kúzetimen sot ǵımaratyna jetkizildi, - dep habarlady telearna.

Prokýratýra sonymen qatar sybaılas jemqorlyq, para alý, alaıaqtyq jáne paraqorlyq jasady degen kúdikke ilingen 100 adamdy tutqyndaýǵa, tintýge jáne ustaýǵa buıryq bergenin habarlady.

Sondaı-aq osy aptada Ystanbul ýnıversıteti Imamoglynyń dıplomynyń zańsyz ekenin anyqtap, ony qaıtaryp aldy. Qalalyq prokýratýra buǵan deıin onyń dıplomynyń shynaıylyǵyn tekserýdi talap etken bolatyn.

Ystanbul meri oppozıtsııalyq Respýblıkalyq halyq partııasy ótkizgen ishki saılaýda prezıdenttikke jalǵyz kandıdat bolyp saılanǵan. Ol aldaǵy prezıdenttik saılaýda bılik partııasynyń kandıdatyna basty básekeles bola alýy múmkin edi.

Ekrem Imamoglý 2024 jyldyń sáýirinde Ystanbul meri bolyp qaıta saılanǵan. Ol buǵan deıin 5 jyl boıy qalany basqarǵan.

Aıta keteıik, Túrkııanyń basqarýshy partııasy elde merziminen buryn prezıdent saılaýyn ótkizýdi qarastyryp jatqanyn jazǵan edik.