Ystanbul mańyndaǵy zilzala: Qazaqstan azamattarynan ótinish túsken joq

ASTANA. KAZINFORM — Túrkııa bıliginiń aqparaty boıynsha, 23 sáýirde Ystanbul mańynda magnıtýdasy 6,2 ball jer silkinisi oryn alyp, artynan aftershoktar jalǵasýda.

- Qazirgi ýaqytta Túrkııa aýmaǵyndaǵy Qazaqstan azamattarynan Ystanbul qalasyndaǵy QR Bas konsýldyǵyna ótinishter túsken joq. QR Syrtqy ister mınıstrligi Túrkııa bıligimen jáne Qazaqstannyń Túrkııadaǵy dıplomatııalyq ókildikterimen birlesip ahýaldyń damýyn qadaǵalaýda, - dep jazdy QR SІM-nen.

Sońǵy derekke qaraǵanda, Ystanbul qalasyndaǵy QR Bas konsýldyǵynyń konsýldyq esebinde 1137 Qazaqstan azamaty tirkelgen.

- Otandastarymyzdy sabyrlyq jáne qaýipsizdik sharalaryn saqtaýǵa, sondaı-aq jergilikti bılik organdarynyń nusqaýlaryn múltiksiz oryndaýǵa shaqyramyz, - deıdi vedomstvodaǵylar.

Buǵan deıin Ystanbulda júrgen otandasymyzdyń jer silkinisi jaıly aıtqanyn jazdyq. 

— Saýda úıinde júr edik, 6,2 ball jer silkinisi bolyp, ǵımarat dirildep ketti. Júrgen jurttyń bári japatarmaǵaı dalaǵa umtyldy. Endi dalada júrmiz, — deıdi Abaı.