Ystanbul qalalyq merııasynyń 31 qyzmetkeri qamaýǵa alyndy

ASTANA. KAZINFORM — Ystanbul bas prokýratýrasy qalalyq merııanyń 47 qyzmetkerin qamaýǵa alýǵa order berýdi maquldady. Olar para alý jáne bopsalaý baby boıynsha kúdikke ilindi, dep habarlaıdy Haberturk. 

Ustalǵandar isi qalanyń burynǵy meri Ekrem Imamoglýǵa qatysty qozǵalǵan sybaılas jemqorlyq isiniń aıasynda júrgizilip jatyr. 

Telearnanyń málimetinshe, qazirdiń ózinde 31 adam qamaýǵa alynǵan. Olardyń arasynda Ystanbuldyń eki aýdany – Beshıktash pen Býıýkchekmedjeniń basshylary bar. Tergeý málimetteri boıynsha, Býıýkchekmedje qalasynyń meri Hasan Akgýn men onyń sheneýnikteri kompanııalardy vıllalar men páterlerdi «syıǵa» berýge nemese olardy jergilikti attas basketbol komandasyna «demeýshilik jasaýǵa» májbúrlegen. Bul talaptardy qabyldamaǵan kásipkerlerge merııa qyzmetkerleri qurylysqa ruqsat bermegeni atap ótiledi.

Bul qamaýǵa alýdyń besinshi tolqyny ekeni habarlandy. Naýryzda Ystanbul meri Ekrem Imamoglý sybaılas jemqorlyq pen 560 mıllıard túrik lırasyn quraıtyn alaıaqtyq, sondaı-aq Kúrdistan jumysshy partııasymen yntymaqtastyq jasady dep aıyptalǵan bolatyn. Ol jumystan bosatylyp, qamaýǵa alyndy.