Ystanbul áýejaıy Eýropada eń kóp jumys isteıtin áýejaı dep tanyldy

ASTANA. KAZINFORM – Ystanbýl áýejaıy Eýropadaǵy eń kóp jumys isteıtin áýe aılaqtarynyń reıtıngin qaıta bastap, áýe qatynasynyń qarqyndylyǵy boıynsha álemdik reıtıngte besinshi oryndy ıelendi, dep habarlaıdy Kazinform agenttiginiń menshikti tilshisi.

Bul týraly Túrkııanyń kólik jáne ınfraqurylym mınıstri Abdýlkadır Ýraloglý eýropalyq aeronavıgatsııa qaýipsizdigi uıymynyń (EUROCONTROL) jańa esebine silteme jasap habarlady.

12 qyrkúıekte jarııalanǵan «Eýropa avıatsııasyna jalpy sholý» qujatyna sáıkes, Ystanbuldaǵy áýejaı osy kórsetkish boıynsha basqa eýropalyq áýe toraptarynan ozyp, kúnine orta eseppen 1 624 reıske qyzmet kórsetedi.

Ýraloglý mundaı joǵary kórsetkishter Túrkııanyń halyqaralyq avıatsııalyq hab retinde mańyzyn rastaıtynyn atap ótti.

– Ystanbul áýejaıy Eýropadaǵy kóshbasshylyqty saqtap qana qoımaı, jahandyq aýqymda óz pozıtsııasyn nyǵaıtyp jatyr, - dep atap ótti mınıstr.

Sonymen qatar, Túrkııa jalpy alǵanda Eýropa elderi arasynda áýe qatynasy boıynsha altynshy orynda, kúnine orta eseppen 4200 reısti qamtamasyz etedi.

Osy kórsetkish boıynsha el Gretsııa, Nıderland jáne Polsha sııaqty memleketterden ozyp keledi.

EUROCONTROL esebi ásirese kólik ınfraqurylymy damyp kele jatqan elderde avıatsııa salasynyń turaqty túrde qalpyna kelgeni men damyǵanyn kórsetedi.

2018 jyly ashylǵan Ystambul áýejaıy jolaýshylar aǵynyn belsendi túrde arttyrýdy jáne ushý geografııasyn keńeıtýdi jalǵastyryp jatyr. Bul ony tek Eýropanyń ǵana emes, sonymen qatar álemniń negizgi áýe toraptarynyń birine aınaldyrady.

2024 jyldyń aıaǵyndaǵy jaǵdaı boıynsha túrik áýe aılaǵy 320 mıllıonnan astam jolaýshyny qabyldap, álemdegi eń iri áýejaılardyń birine aınaldy.

Aıta keteıik, Túrkııada 16 jasqa tolmaǵandarǵa áleýmettik jelini paıdalanýǵa tyıym salyndy.