Ystanbul-Aqtóbe reısiniń jolaýshylary búgin Aqtaýda túneıdi

AQTÓBE. KAZINFORM — Aqtóbedegi áýejaı qalyń tuman saldarynan áli jabyq. Sondyqtan jolaýshylar Aqtaýdaǵy qonaqúıge ornalastyrylady.

Ystanbul-Aqtóbe baǵytyndaǵy PC240 áýe reısi Aqtaýǵa aman-esen qondy. Áýe kompanııasy reıs jolaýshylaryn qonaqúıge ornalastyryp, keıin Aqtóbege jetkizýge ýáde berdi.

Aqtaý áýejaıynyń habarlaýynsha, qazir bortta 16 jolaýshy bar. Olar áýe kemesinen eshqaıda ketpeıtinin aıtqan.

— Áýe kompanııasynyń ókilderi Aqtaý-Aqtóbe reısine bılet rásimdep jatyr. Reıs erteńge josparlanǵan. Bılet rásimdelgen soń jolaýshylar bortty bosatady dep kútilip otyr. Qazir áýejaı shtattyq rejımde jumys istep tur. Aqtaýǵa baǵyttalǵan barlyq reısti qabyldaı alady, — dep habarlady Aqtaý áýejaıy resmı saıt arqyly.

Aıta keteıik, Aqtóbede qalyń tuman áli seıilmeı tur. Búgin halyqaralyq jáne ishki reıster keıinge shegerildi. IQ 399/400 jáne DV719/720 reısteri Atyraýǵa, Ystanbul-Aqtóbe-Ystanbul baǵytyndaǵy RS 240/241 reısi Aqtaýǵa jiberildi.