Ystambulda ózbekstandyq áıel kúıeýin pyshaqtap óltirdi

YSTAMBUL. KAZINFORM — Túrkııanyń Ystambul qalasynda 28 jastaǵy ózbekstandyq kelinshek kúıeýin pyshaqtap óltirdi, dep habarlaıdy Hurriyet gazeti. 

Endi ǵana jarııalanyp jatqan oqıǵa 6 sáýir kúni Kartal aýdanynda bolǵan. Aqparatqa sáıkes, Ózbekstan azamaty S. T. 42 jastaǵy kúıeýi Emre Erımmen qarjylyq sebepterge baılanysty janjaldasyp qalǵan.

Ashýǵa erik bergen áıel ashana pyshaǵyn alyp, er adamdy pyshaqtap tastaǵan. Sodan soń áıel taksı qyzmetine telefon soǵyp:

— Kúıeýim aýyryp jatyr, aýrýhanaǵa aparýym kerek, — dep kólik shaqyrǵan.

Taksı júrgizýshisi kelgende er adam qanǵa batyp jatyr eken. Ol dereý 112-ge habarlasqan. Oqıǵa ornyna jedel járdem men polıtsııa qyzmetkerleri jetken. Áıeldi polıtsııa qamaýǵa aldy.

Marqumnyń denesi saraptama júrgizý úshin sot-medıtsınalyq mekemege jetkizildi. Sodan keıin ony otbasy músheleri qabyldap, jerledi.

Erli-zaıyptylardyń 4 jyl birge bolǵany jáne bir balasy bar ekeni habarlandy.

Eske sala keteıik, Ystambulda ishimdiktiń kesirinen bir kúnde Ózbekstannyń 5 azamaty kóz jumdy.