Ystambulda ishimdiktiń kesirinen bir kúnde Ózbekstannyń 5 azamaty kóz jumdy
ASTANA. KAZINFORM - Ózbekstannyń Ystambuldaǵy Bas konsýldyǵy oqıǵaǵa qatysty aqparat berdi.
Ózbekstannyń Ystambuldaǵy Bas konsýldyǵynyń málimetinshe, 2025 jyldyń 14 qańtarynda qoldan jasalǵan alkogoldi iship, ýlanyp qaıtys bolǵan 5 ózbekstandyqtyń jaqyn týystary Ystambuldaǵy Bas konsýldyqqa júgingen. Bul keleńsiz jaǵdaılarǵa Ystambuldyń Aqsaraı aýdanynda satyp alynǵan alkogoldi ishimdikti paıdalaný sebep bolǵan.
Qaıtys bolǵan azamattar negizinen 35-40 jas aralyǵyndaǵy er adamdar, barlyǵynyń kámeletke tolmaǵan balalary jetim qalǵan.
– Osyǵan baılanysty Ystambuldaǵy Bas konsýldyq barlyq azamattardy ishimdik ishýden bas tartyp, abaı bolýǵa shaqyrady. Kez kelgen densaýlyqqa qaýip tóndiretin jaǵdaı týyndaǵan kezde dereý jaqyn jerdegi aýrýhanaǵa baryp, Bas konsýldyqqa habarlasý usynylady. Tótenshe jaǵdaıda kelesi telefon nómirlerine habarlasýǵa bolady: Bas konsýldyq: +905535411717, - delingen habarlamada.
Eske sala keteıik, Ózbekstanda er adam kólbar jylandy jep qoıǵany týraly jazǵan edik.