Ystambulda aýrýhanaǵa qarýly shabýyl jasalyp, bes adam jaraqat aldy
ASTANA. KAZINFORM — Ystambuldaǵy aýrýhananyń jedel járdem bólimine jasalǵan qarýly shabýyldan bes adam zardap shekti. Bul týraly TRT Haber arnasy habarlady.
Oqıǵa qalanyń eýropalyq bóligindegi Bahchelıevler aýdanynda boldy. Ázirge aty-jóni anyqtalmaǵan shabýylshylar departamenttegi adamdarǵa oq jaýdyrǵan.
«Bir polıtseı, jandarmerııa ókili, kúzet kompanııasynyń qyzmetkeri jáne eki beıbit turǵyn jaralandy», - dep habarlaıdy telearna.
Dárigerlerdiń aıtýynsha, zardap shekkenderdiń densaýlyǵyna aıtarlyqtaı qaýip joq.
Oqıǵa ornynan shabýyldaýshylar tastap ketken kólik tabyldy. Polıtseıler olardy izdestirip jatyr.
Aıta keteıik, Búgin Túrkııa Respýblıkasynyń Qazaqstandaǵy Elshisi Mustafa Kapýdjý myrzamen Qazaqstan men baýyrlas Túrkııa arasyndaǵy dostyq jáne strategııalyq seriktestik qarym-qatynastardy talqylandy.
