Ystambulda alkogolden ýlanyp, qaıtys bolǵandar sany 11-ge jetti

ASTANA. KAZINFORM - Ystambulda qoldan jasalǵan alkogol ónimderin óndirýmen jáne taratýmen aınalysqan eki Túrikmenstan azamaty ustaldy. Bul týraly Ózbekstannyń Ystambuldaǵy Bas konsýldyǵy habarlady.

Alynǵan aqparatqa sáıkes, sońǵy táýlikte Ystambulda barlyǵy 38 adam qoldan jasalǵan alkogoldi ishý saldarynan ýlanǵan. Aýrýhanaǵa túskenderdiń 11-i qaıtys boldy.

Polıtsııa oqıǵaǵa qatysty jan-jaqty tergeý jumystaryn bastady.

Aýrýhanaǵa kelgenderdiń 26-sy sheteldik ekeni belgili boldy.

Osy oqıǵaǵa qatysty eki Túrikmenstan azamaty qamaýǵa alynyp, olardyń ústinen qylmystyq is qozǵaldy.

Búgingi tańda jalǵan alkogoldik sýsyndardan kóz jumǵan Ózbekstan azamattarynyń sany 6-ǵa jetti. Onyń 5-eýi er adam, 1-i áıel adam.

Esterińizge sala keteıik, Ystambulda bir kúnde 5 Ózbekstan azamaty qoldan jasalǵanǵan ishimdiktiń kesirinen qaza tapqany týraly habarlaǵan bolatynbyz.