Ystambul meri túrmege jetkizildi

ANKARA. KAZINFORM — Sybaılas jemqorlyq isi boıynsha tutqyndalǵan Ystambul meri Ekrem Imamoglý Ystambuldyń Sılıvrı aýdanyndaǵy túrmege jetkizildi, dep jazady TASS.

Imamoglý sot protsesi ýaqytynda sol jerde bolady. Mer jáne basqa da aıyptalýshylardyń túrmege jetkizilgeni túsirilgen kadrlar A haber telearnasynda tikeleı efırde kórsetildi.

Túrmege kireberiste polıtsııa qorshaýlary ornatylyp, kelgen barlyq kólikter men júrgizýshilerdiń, jolaýshylardyń qujattary tekserilip jatyr. Túrme mańynda polıtsııanyń arnaıy jasaqtary men sý atqyshtary kezekshilik etýde.

Ystambuldyń qylmystyq soty búgin tańerteń Imamoglýdy bultartpaý sharasy retinde qamaýǵa alý týraly sheshim shyǵardy. Oǵan eki is boıynsha — ákimdiktegi «sybaılas jemqorlyq» jáne «terrorızmge kómektesý» aıyptary taǵyldy, biraq sybaılas jemqorlyq isine baılanysty qamaýǵa alyndy. Terrorızm isi boıynsha Imamoglý sot baqylaýymen bosatyldy. Mermen birge 50-ge jýyq adam qamaýǵa alyndy, olardyń arasynda qalalyq ákimdiktiń joǵary laýazymdy qyzmetkerleri de bar.

Imamoglý men basqa da aıyptalýshylar eki apta ishinde bultartpaý sharasyna shaǵymdana alady. Merdiń zańgerleri appelıatsııalyq shaǵym túsirmekshi.

Aıta keteıik, buǵan deıin sybaılas jemqorlyq boıynsha aıyptalǵan Ystambul meri qamaýǵa alynǵanyn habarladyq.