Ystambul men Kodjaelıde sý tasqynynan qaza tapqandar sany toǵyzǵa jetti
ASTANA. KAZINFORM — Ystambul men Kodjaelıde sý tasqynynan toǵyz adam qaza taýyp, iz-túzsiz joǵalǵandardy izdeý júrip jatyr, dep habarlaıdy Kazinform agenttiginiń Ankaradaǵy menshikti tilshisi.
Túrkııanyń ankaramasasi basylymynyń habarlaýynsha, 14 qazanda Ystambul men Kodjaelıde bolǵan sý tasqynynan qaza tapqandar sany taǵy eki adamnyń súıegi tabylǵannan keıin toǵyzǵa jetti.
Ystambuldaǵy Altyn múıiz shyǵanaǵynyń Aıvansaraı parom aılaǵy mańynan Hashım Djırıtlıoglýdyń súıegi tabyldy. Buǵan deıin osy shyǵanaqtaǵy «Altynboınýz» kesheniniń janynan Túrikmenstan azamaty Mýrat Babadjanovtyń súıegi tabylǵan edi. Ol Aıazaga jylǵasy arnasynan asqan kezde joǵalyp ketken bolýy múmkin.
Sondaı-aq Ystanbuldyń Pendık aýdanynan Kodjaelı provıntsııasynyń Gebze aýdanynda sý tasqyny kezinde joǵalyp ketken Dogan Arslannyń súıegi tabyldy. Buǵan deıin Fatıh Demırtash pen Mustafa Gedıklıdiń súıegi tabylǵan edi.
Sý aǵyny kóligin alyp ketken Ahmet Derındi izdeý áli de jalǵasyp jatyr. Qutqarýshylar onyń qaıda ekenin anyqtaý úshin tıisti sharalardy qolǵa aldy.
Eske sala keteıik, Ystambuldaǵy tabıǵı apattan keıin qylmystyq is qozǵalǵanyn habarlaǵan edik.
