Ystambul – Almaty reısiniń jolaýshylary dittegen jerlerine ýaqytyly jete almady

ALMATY. KAZINFORM – Air Astana áýe kompanııasynyń Ystambul-Almaty baǵyty boıynsha 22 jeltoqsanǵa josparlanǵan KC912 reısi ushpaı qaldy.

Air Astana kompanııasynyń baspasóz qyzmetinen málim etkendeı, josparlanǵan reıis ushaq qozǵaltqyshtyń tehnıkalyq aqaýyna baılanysty keıinge shegerilip, keıin ushpaı qaldy.

– Sol kúni áýe kompanııasy jolaýshylardy ystyq tamaqpen qamtamasyz etip, qonaqúıge ornalastyrdy. Keshe jolaýshylarǵa úsh mezgil tamaq pen sýsyn berildi. Áýe kompanııasy keıbir jolaýshylardy basqa avıakompanııalardyń reısterine qaıta brondady, al keıbirin keshegi turaqty reıspen jiberdi,– dep atap ótti kompanııadan.

Qazir 149 jolaýshynyń tórteýi qaldy. Olar búgin keshke ushady.

Osyǵan deıin Májilistegi eldiń kólik-logıstıkalyq áleýetin damytýǵa arnalǵan Úkimet saǵatynda Pıter Foster Flyarystan bıleti qunyna qatysty pikir bildirgen bolatyn.