Ispanııanyń jumyssyzdary meıramhana ashty, árbir taǵam 1 evro turady
ASTANA. 7 qańtar. QazAqparat- Ispanııanyń soltústigindegi Navarra provıntsııasynda jergilikti 18 jumyssyz adam as máziri mol meıramhana ashty.
Osylaısha, olar ózderiniń jumyssyzdyq máselesin sheship otyr, dep habarlady RBK.
Common good meıramhanasynda 400 adamǵa arnalǵan eki zal bar, munda et taǵamdaryna, sonymen birge desertke tapsyrys berýge bolady. Mundaǵy bir qýlyq, ishimdikke tapsyrys bergen jaǵdaıda bir kisilik taǵam 1 evrony quraıdy.
Qyzmet kórsetýden qarjy únemdeý úshin mekeme ıeleri daıashysyz jumys isteıdi. Ózdiginen qyzmet kórsetý termınalynyń arqasynda kelýshiler tapsyrys beredi de, daıyn bolǵan kezde tamaqtaryn ózderi alyp ketedi.
Meıramhana qyzmetkeriniń árqaısysynyń eńbekaqysy aıyna 800 evrony quraıdy. Jobany júzege asyrý úshin shamamen 250 myń evro jumsalǵan. Ol aqshaǵa negizinen qajetti quraldar satyp alynǵan.
