Ispanııanyń jańa premeri ant qabyldar aldynda Kıeli kitapty alyp tastaýdy surady
ASTANA. QazAqparat - Ispanııada jańa premer-mınıstr paıda boldy. Úkimet basshylyǵyna senbi kúni ant qabyldaǵan sotsıalıst jáne ateıst Pedro Sanches keldi, dep habarlaıdy VVS.
Sanches premer-mınıstr laýazymyn ıelengen Ispanııa tarıhyndaǵy alǵashqy ateıst atandy. Ant qabyldar aldynda ol osyndaı ulyqtaý rásiminde dástúrli túrde qoldanylatyn krest pen Kıeli kitaptyń bolmaýyn surady.
Sanches úkimetti eń keminde eki jyl, ıaǵnı kelesi parlament saılaýyna deıin basqarmaq nıette.
46 jastaǵy sotsıalıster kóshbasshysy ózge alty ıspandyq partııanyń qoldaýyna ıe bolyp, sybaılas jemqorlyqqa baılanysty týyndaǵan janjaldan keıin premerlikten ketken Marıano Rahoıdyń ornyn basty.
Rahoı bolsa, qazirgi Ispanııa tarıhyndaǵy parlament senimsizdik tanytqan alǵashqy premer atandy.
