Ispanııanyń Valensııasynda Qazaqstannyń Qurmetti konsýldyǵy ashyldy
ASTANA. QazAqparat - 21 maýsymda Ispanııanyń Valensııa qalasynda Qazaqstan Respýblıkasy Qurmetti Konsýldyǵynyń ashylý saltanaty ótti, dep habarlaıdy QazAqparat.
QR SІM baspasóz qyzmetiniń habarlaýynsha, Qazaqstannyń Qurmetti Konsýly laýazymyna ıspan bıznes-qaýymdastyǵynyń ókili Krıstıan Rojer taǵaıyndaldy. Valensııa Sotynyń ǵımaratynda ótken Qurmetti konsýldyqtyń resmı tusaýkeser saltanatyna Qazaqstannyń Ispanııadaǵy Elshisi Baqyt Dúısenbaev, Ispanııa Kongresiniń depýtaty Hose Marııa Chıkılo, Valensııa Qaýymdastyǵy Parlamentiniń tóraǵasy Enrık Morera ı Katala, Almaty qalasy Týrızm jáne halyqaralyq baılanystar basqarmasynyń basshysy Erlan Jaılaýbaı, sondaı-aq Valensııa qaýymdastyǵynyń basqa da saıası jáne bıznes-toptary qatysty.
K. Rojer óz sózinde, Qazaqstan men Ispanııa arasyndaǵy saıası jáne saýda-ekonomıkalyq baılanystardy odan ári nyǵaıtýǵa barlyq kúshin salatynyn atap ótti.
Sonymen qatar, qazaqstandyq delegatsııanyń sapary sheńberinde Valensııa Qaýymdastyǵy Úkimetiniń Halyqaralyq yntymaqtastyq departamentiniń Basshysy Joan Kalabýchpen jáne merııa men Valensııa Saýda palatasynyń basshylyqtarymen kezdesýler ótkizildi.
