Ispanııanyń ońtústigi sý astynda qaldy, óńirde tótenshe jaǵdaı engizildi
ASTANA. 18 qarasha. QazAqparat - Ispanııanyń ońtústigindegi nóserli jańbyrlar ózenderdi arnalarynan shyǵaryp, keıbir aýdandardy sý astynda qaldyrdy.
Tabıǵı apattyń zardabyn Kosta-del-Sol týrıstik aýdany da kórýde, dep habarlaıdy Associated Press.
Meteorologtar Andalýsııa avtonomdy qoǵamdastyǵynyń iri qalalarynyń biri - Malagada ótken táýliktiń alǵashqy jartysynda sý deńgeıi 13 santımetrge artqanyn aıtty. Jaýyndar sondaı- aq taýly ózenderdiń deńgeıin kóterdi, saldarynan etek jaqtaǵy qalalarǵa laı kóshkinderi tústi.
Bılik organdary óńirde tótenshe jaǵdaı engizdi. Turǵyndardyń aıtýynsha, jekelegen jol ýchaskeleri men týnnelderdiń jabylýymen kóliktik úlken problemalar baıqalýda. Qurbandar týraly aqparattar túsken joq.
