Ispanııanyń jańa premer-mınıstri belgili boldy

Pedro Sanches Ispanııa úkimetiniń tóraǵasy bolyp qaıta saılandy, onyń kandıdatýrasyn depýtattar kongresiniń 179 múshesi – sotsıalıster men olardyń solshyl odaqtastary, sondaı-aq katalonııalyq jáne bask ultshyldary qoldady, dep habarlaıdy Kazinfom Euronews arnasyna silteme jasap.

Halyq partııasy men ásire ońshyl Vox «qarsy» daýys berdi.

Daýys berý eki kúnge sozylǵan partııa jetekshileri arasyndaǵy pikirtalastan keıin aıaqtaldy. Onda Katalonııa separatısterine raqymshylyq jasaý týraly óte daýly kelisimge nazar aýdaryldy. Oǵan Sanches premer-mınıstr bolyp qaıta saılaný qoldaýy úshin kelisti.

Sanches alty shaǵyn partııanyń qoldaýyna ıe boldy. Bul oǵan qaıta saılaný úshin qajet 179 depýtattyń (171 «qarsy») absolıýtti kópshiligin alýǵa jáne solshyl Sumar («Birikken kúshter») partııasymen taǵy bir azshylyq koalıtsııalyq úkimet qurýǵa múmkindik berdi.