Ispanııanyń tanymal teleshoýy Almaty týraly telejoba jasady
ALMATY. KAZINFORM – Ispanııanyń Telemadrid arnasynda kórsetilgen «Madrıdtikter búkil álemde» (Madrileños por el mundo) telejobasynyń jańa shyǵarylymy Almatyǵa arnaldy.
Shyǵarylym barysynda túsirilim toby Kók bazarǵa, Voznesensk shirkeýine, sondaı-aq Atlético de Madrid fýtbol klýbynyń akademııasyna bardy. Baǵdarlamada qalanyń kúndelikti tynys-tirshiligi, mádenı alýandyǵy men tabıǵı kórinisi keńinen kórsetilgen. Al jobanyń keıipkerleri — Mıgel, Nıkolas jáne Avrora Almaty men onyń turǵyndary týraly óz áserin baıandady.
Aıta keteıik, «Madrıdtikter búkil álemde» telejobasy Telemadrid arnasynda kórsetiledi jáne shetelde turyp jatqan nemese saıahattap júrgen ıspandyqtardyń oqıǵasy arqyly kórermenderdi ártúrli elmen tanystyrady.
Almaty ákimdiginiń málimetinshe, 2025 jyldyń 9 aıynda megapolıske Ispanııadan kelgen týrıster sany 2024 jylmen salystyrǵanda 37,8%-ǵa artqan.
Eske salaıyq, buǵan deıin Ispanııanyń tanymal jýrnaly Almatyny taý bókterindegi úzdik 5 qalanyń qataryna qosty.